ლონდონის „ჩელსიმ“ ედენ აზარის ფასი გაზარდა. Sky Sports-ის ცნობით, „არისტოკრატები“ ბელგიელის სანაცვლოდ მადრიდის „რეალს“ 130 მილიონ გირვანქა სტერლინგს სთხოვენ, რაც თითქმის 150 მილიონი ევროა.

აქამდე, „რეალი“ მზად იყო აზარის გამოსასყიდლად 100 მილიონი გადაეხადა. აღსანიშნავია, რომ ედენს „ჩელსისთან“ კონტრაქტი 2020 წლის ზაფხულში ეწურება და სწორედ ამ გარემოებით უნდათ ესპანელებს სარგებლობა.

თუმცა, როგორც ჩანს, „ჩელსი“ დანებებას არ აპირებს და გუნდის უდაო ლიდერთან შელევას მხოლოდ სასურველი წინადადებით გეგმავს.

როგორც ცნობილი ხდება, შესაძლოა ზემოხსენებულმა ფაქტმა ტრანსფერი შეაფერხოს, თუმცა, „რეალი“ საბოლოო გადაწყვეტილებას ევროპა ლიგის ფინალის შემდეგ მიიღებს და შესაძლოა გარიგება ევროპის ჩემპიონატის საკვალიფიკაციო მატჩების გამართვამდე წარმატებით დაიხუროს.