ფეხბურთი

19:20 | 25.05.2019 | ნანახია [] - ჯერ

ლიონელ მესი: "ჩემპიონთა ლიგის მოგების პირობა არ დამიდია"

კატალონიის „ბარსელონას“ თავდამსხმელმა ლიონელ მესიმ განაცხადა, რომ ჩემპიონთა ლიგის მოგების პირობა არ დაუდია. არგენტინელის განცხადებით, ეს იყო მხოლოდ და მხოლოდ დაპირება იმის შესახებ, რომ გამარჯვებისთვის ყველაფერს გაიღებდა.

„ჩემპიონთა ლიგიდან გამოთიშვის გარდა, სხვა მიზეზებიც მაქვს გასაბრაზებლად, მაგალითად არგენტნის ნაკრები. თუმცა, ყველა შემთხვევაში ვცდილობ ყველაფერი კარგად გავაკეთო.

ჩემპიონთა ლიგაზე მარცხის გამო „ბარსელონას“ დატოვება არ მიფიქრია. მე არავის დავპირებივარ ამ ტურნირის მოგებას, უბრალოდ პირობა დავდე, რომ ყველაფერს გავაკეთებდი მის მოსაგებად“, - ციტირებს მესის სიტყვებს Mundo Deportivo.

შეგახსენებთ, რომ სეზონის წინ მესის „კამპ ნოუს“ პუბლიკის წინაშე განაცხადა, რომ დრო იყო ჩემპიონთა ლიგის თასი ბარსელონაში დაბრუნებულიყო. მას შემდეგ კი, რაც „ბლაუგრანა“ „ლივერპულთან“ ნახევარფინალში დამარცხდა, ეს ვიდეო მიმართვა ბევრისთვის ქილიკის საფუძველი გახდა.

სტატისტიკა
0.231078