ქართველმა ჩოგბურთელმა სოფო შაფათავამ ისრაელის დედაქალაქ იერუსალიმში მიმდინარე 25-ათასიანი ტურნირის მეოთხედფინალის საგზური მოიპოვა.

დღეს, შაფათავამ მე-4 ნომრად განთესილ ბელარუს იულია ჰატოუკას 1:6, 7:5, 6:4 სძლია, მისი მომდევნო მეტოქე კი ლატვიელი დანიელა ვისმანე იქნება.
დღესვე, შაფათავა ბრიტანელ ემილი ვებლი-სმითთან ერთად წყვილთა შეჯიბრშიც ჩაებმება.
ამ დუეტმა გასულ კვირებში ზედიზედ ორი 25-ათასიანი ტურნირი მოიგო, იერუსალიმში კი მე-2 ნომრადაა განთესილი და მეოთხედფინალში ებრაულ-რუსულ ტანდემს (აკლერი-ლევაშოვა) დაუპირისპირდება.