ქართველმა ჩოგბურთელმა ეკატერინე გორგოძემ საფრანგეთის ღია პირველობის საკვალიფიკაციო ბადეში პირველი წრის დაძლევა მოახერხა.

გორგოძემ პარიზულ კორტებზე სასტარტო შეხვედრა ჩინელ ჯია-ჯინ ლუსთან ჩაატარა და 6:4, 2:6, 6:2 დაამარცხა. ეკომ 2 ეისი მოაწოდა, 4 ორმაგი შეცდომა ჰქონდა, 14-დან 5 ბრეიკ-პოინტი მიითვალა და 14 “ვინერსი” და 31 ორმაგი შეცდომა მოუგროვდა.
“როლან გაროსის” კვალიფიკაციის მე-2 რაუნდში გორგოძის მეტოქე უკრაინელი კატარინა ზავატსკა იქნება. ეს უკანასკნელი ბეატრიზ ჰადად მაიასთან 3:6, 7:5, 2:3 მარცხდებოდა, როდესაც ბრაზილიელმა ჩოგბურთელმა თამაშის გაგრძელება ვეღარ მოახერხა.