„მანჩესტერ სიტიმ“ სეზონი ისტორიულად დაასრულა. პეპ გვარდიოლას გუნდმა ერთი კვირის წინ პრემიერლიგის ჩემპიონობის შემდეგ 2018-2019 წლების სეზონი ასოციაციის თასის მოგებით დახურა.

„უოტფორდმა“ „ქალაქელებს“ ვერანაირი წინააღმდეგობა ვერ გაუწია და ფინალისთვის უჩვეული შედეგი დაფიქსირდა - 6:0.

„სიტის“ უპირატესობა წამითაც არ დამდგარა ეჭვქვეშ და ამიტომ თამაშზე საუბრით თავს არ შეგაწყენთ. გეტყვით, რომ „მანჩესტერ სიტი“ პირველი ინგლისური გუნდი გახდა, რომელმაც ერთ სეზონში ყველა საშინაო ტიტული მოიგო - ინგლისის პრემიერლიგა, ინგლისის ლიგის თასი და ინგლისის ასოციაციის თასი.

„სიტი“ – „უოტფორდი“ 6:0 (2:0)

გოლები: 1:0 დავიდ სილვა (26), 2:0 სტერლინგი (38), 3:0 დე ბრუინი (61), 4:0 გაბრიელ ჟესუსი (68), 5:0 სტერლინგი (81), 6:0 სტერლინგი (87)