პოლონეთის ეროვნული ნაკრების თავდამსხმელმა რობერტ ლევანდოვსკიმ შესაძლოა მიუნხენის "ბაიერნთან" კონტრაქტი გაახანგრძლივოს. როგორც Kicker-ი იუწყება, კლუბთან ახალი ხელშეკრულების გაფორმება თავად ფეხბურთელს სურს.

ლევანდოვსკი ამჟამინდელი კონტრაქტის თანახმად კლუბში 2021 წლის ივლისამდე უნდა დარჩეს. ფეხბურთელის მიმართ ინტერესს "მანჩესტერ იუნაიტედი" და "პარი სენ ჟერმენი" იჩენენ. მიმდინარე სეზონში პოლონელმა 45 მატჩი ჩაატარა, გაიტანა 38 გოლი და 13 საგოლე გადაცემა შეასრულა.