ფეხბურთი

19:43 | 15.05.2019 | ნანახია [] - ჯერ

"ჩელსის" სარი ევროპა ლიგის ფინალის შემდეგ დატოვებს

ლონდონის „ჩელსი“ მიმდინარე სეზონის დასრულების შემდეგ მაურიციო სარის დაემშვიდობება. Gazzetta Dello Sport-ის ინფორმაციით, რომან აბრამოვიჩი ევროპა ლიგის ფინალის შემდეგ შედეგის მიუხედავად, იტალიელს კარისკენ მიუთითებს.

სარის „არისტოკრატებთან“ კონტრაქტი 2021 წლის ზაფხულამდე აკავშირებს, მაგრამ ლონდონში მისი მუშაობით კმაყოფილები არ არიან.

მიუხედავად იმისა, რომ „ჩელსიმ“ პრემიერლიგაში სეზონი მესამე ადგილზე დაასრულა, ჩემპიონთა ლიგის საგზური მოიპოვა და პარალელურად ევროპა ლიგის ფინალშიც გავიდა, სარის გაწეული სამუშაო დადებითად არ ფასდება.

იტალიელ მწვრთნელს „რომასა“ და „მილანს“ უკავშირებენ, ხოლო „ჩელსის“ ახალი მწვრთნელის შესახებ ჯერჯერობით ცნობა არ ვრცელდება.

0.112493