ავტოსპორტი

15:41 | 15.05.2019 | ნანახია [] - ჯერ

„მერსედესის“ საჩუქარი შეფს

ესპანეთის დიდი პრიზის კვარცხლბეკზე, „მერსედესის“ შეფ დიტერ ცეტშეს ასვლა შემთხვევითი არ იყო. გუნდმა და კომპანიამ ამით პატივი სცა თავის გამორჩეულ მენეჯერს, რომელმაც სამქიმიანები მსოფლიო ჩემპიონატში დააბრუნა და ლუის ჰამილტონს, ავტოსპორტის მწვერვალებისკენ გაუკაფა გზა.

ეს ადამიანი 22 მაისს თანამდებობას დატოვებს და პენსიაში გავა და თავის რანგში, ფორმულა 1-ის რბოლას უკანასკნელად დაესწრო.

„13 წლის ვიყავი, როცა მან ჩემი მხარდაჭერა დაიწყო. ის ყოველთვის მონაწილეობდა მნიშვნელოვან გადაწყვეტილებებში, რომლებიც ჩემს კარიერას ეხებოდა. ასე იყო 2007 წელს, როცა ფორმულა 1-ში მოვედი და მაშინვე „მაკლარენში“ მიმიწვიეს. შემდეგ ამ გუნდს შევუერთდი. ეს მისი ბოლო რბოლაა ჩვენთან ერთად და მინდა, ყველაფრისთვის დიდი მადლობა გადავუხადო“, - განაცხადა ჰამილტონმა, ვინც თავისი პირველი ტიტული „მაკლარენთან“ ერთად მოიგო (2008 წელს), ოთხს კი „მერსედესთან“ ერთად დაეუფლა.

Loading...
0.163304