ფეხბურთი

22:45 | 13.05.2019 | ნანახია [] - ჯერ

სერია A-ს ნაცვლად სერია C - "პალერმო" ქვედა ლიგაში დააქვეითეს

იტალიური „პალერმო“ სერია C-ში დაქვეითდა. აღნიშნული განაჩენი დღეს ოფიცილურად იტალიის ფედერალურმა სასამართლომ გამოიტანა.

სიცილიელთა ყოფილი პრეზიდენტი მაურიციო ძამპარინი გუნდის გაყიდვას ერთ-ერთ ლონდონურ კომპანიაზე თაღლითური გზით ცდილობდა და ამის გამო „პალერმო“ უმკაცრესად დაისაჯა.

„როზანერომ“ სერია B-ს 2018-2019 წლების სეზონი 63 ქულით მესამე ადგილზე დაასრულა, პლეი-ოფში უნდა ეთამაშა და სერია A-ში დაბრუნების ფავორიტი იყო, თუმცა მიღებული გადაწყვეტილების შედეგად ელიტის ნაცვლად დამდეგ სეზონში სერია C-ში მოუწევს თამაში.

იტალიის ფეხბურთის ფედერაციის გადაწყვეტილებით, „პალერმოს“ ადგილი პლეი-ოფში „პერუჯამ“ დაიკავა, ხოლო სერია B-ში პლეი-აუტის სისტემა გაუქმდა. „პალერმო“, „კარპი“, „პადოვა“ და „ფოჯა“ პირდაპირ დაქვეითდნენ, ხოლო მეოთხე უიღბლო გუნდი, რომელიც პლეი-აუტის შედეგად უნდა გამოვლენილიყო „ვენეციასა“ და „სალერნიტანას“ შეხვედრაში, აღარ გამოვლინდება და ორივე კლუბმა ლიგაში ადგილი შეინარჩუნა (ეს ადგილი „პალერმომ“ შეავსო, რომელიც ავტომატურად გავარდა).

აქვე გეტყვით, რომ სიცილური გუნდი ერთ დროს ანგარიშისგასაწევი ძალა იყო და სერია A-ში მისი საუკეთესო შედეგი მეხუთე ადგილია.

თეგებიპალერმო
Loading...
სტატისტიკა
0.226766