ჭიდაობა

19:10 | 13.05.2019 | ნანახია [] - ჯერ

ქართველ მოჭიდავეთა 17 მედალი კიევის საერთაშორისო ტურნირზე

10-12 მაისს, უკრაინის დედაქალაქ კიევში დასრულდა "სახელოვან უკრაინელ მოჭიდავეთა და მწვრთნელთა ხსოვნის" რიგით XXIII საერთაშორისო ტურნირი, სადაც 22 ქვეყნის ნაკრებმა მიიღო მონაწილეობა. ქართველთა მონაგარი 5 ოქროს, 5 ვერცხლის, 7 ბრინჯაოს მედალია.

საქართველოს ჭიდაობის ფედერაციის პრესსამსახურის ცნობით, განსაკუთრებით შთამბეჭდავად თავისუფალი სტილით მოჭიდავეთა ნაკრები გამოვიდა. გიორგი იანტბელიძის გაწვრთნილმა გუნდმა 10 წონითი კატეგორიიდან ოთხში ოქროს მედალი მოიპოვა. აქედან ორში სულაც ქართული ფინალები შედგა.

ჩემპიონები გახდნენ ზურაბ იაკობიშვილი (65 კგ.), ავთანდილ კენჭაძე (74 კგ.), ტარიელ გაფრინდაშვილი (79 კგ.) და ირაკლი მწითური (92 კგ.). იაკობიშვილმა ფინალში თანაგუნდელ რამაზან მალაკოევს მოუგო, კენჭაძემ - ზურაბ ერბოწონაშვილს.
ელიზბარ ოდიკაძე (97 კგ.) ვერცხლის მედალს დაეუფლა, ოთარ გოგავა და თეიმურაზ ვანიშვილი (ორივე - 61 კგ.) - ბრინჯაოებს.

ბერძნულ-რომაული სტილით მოჭიდავეთა ნაკრებიდან უმაღლესი სინჯის მედალი გელა ბოლქვაძემ (77 კგ.). ქერიმ მაჩალიკაშვილმა (63 კგ.) და გურამ ხეცურიანმა (87 კგ.) მეორე საპრიზო ადგილები დაიკავეს. კვარცხლბეკის მესამე საფეხურზე კი 5 ქართველი ავიდა: დავით ბაკურიძე (63 კგ.), იური ლომაძე (72 კგ.), ბექა მამუკაშვილი, დემურ ქავთარაძე (ორივე - 77 კგ.) და სულხან ბუიძე (130 კგ.).

გუნდურ ჩათვლაში როგორც თავისუფალი, ასევე ბერძნულ-რომაული სტილით მოჭიდავეთა ნაკრებებმა მეორე ადგილები დაიკავეს. გუნდები კიევიდან თბილისის აეროპორტში დღეს (13 მაისს), თბილისის დროით 21:00 საათზე ჩამოფრინდებიან.

Loading...
0.144232