სერბეთის საკალათბურთო ჩემპიონატში შედეგიან თამაშს განაგრძობს ახალგაზრდა ქართველი კალათბურთელი გოგა ბითაძე.

ტურნირის მორიგ ტურში ჩვენებურის “მეგა ბემაქსი” “ტამისს” დაუხვდა და 102:64 გაანადგურა, გოგა კი სასტარტო ხუთეულში გამოჩნდა და 20:42 წუთში 20 ქულა, 3 მოხსნა, 4 პასი, 1 ჩაჭრა და 3 დაფარება მიითვალა.
ბითაძემ 9-დან 7 ორქულიანი და 7-დან 6 საჯარიმო ჩააგდო, 2 სამქულიანი ააცილა, ბურთი 2-ჯერ დაკარგა, 3 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.
ქართველი ცენტრის მოედანზე ყოფნის პერიოდში მასპინძლებმა მეტოქეზე 33 ქულით მეტი ჩააგდეს, მისი სარგებლიანობის კოეფიციენტი კი 25-ს გაუტოლდა და ის მხოლოდ თანაგუნდელ დალიბორ ილიჩს (27) ჩამორჩა. ამ უკანასკნელმა 14 ქულა 6 მოხსნა, 3 პასი და 1 ჩაჭრა მიითვალა.
შეგახსენებთ, რომ “მეგა ბემაქსი” სერბული ლიგის B ჯგუფში ირჯება, 5-დან 4 მოგება აქვს და მხოლოდ ბელგრადის “პარტიზანს” ჩამორჩება. 16 მაისს ბითაძე და მისი თანაგუნდელები სწორედ ლიდერს დაუხვდებიან.