საბა ლობჟანიძის "რანდერსი" ევროპა ლიგის საგზურისთვის ბრძოლას აგრძელებს. დანიის ჩემპიონატის ევროპა ლიგის პლეი-ოფის პირველი ეტაპი „რანდერსმა“ წარმატები დაძლია და „სონდერისკე“ ორი მატჩის ჯამში დაამარცხა.

ამ გუნდთა პირველი დაპირისპირება ფრედ (1:1) დასრულდა, ხოლო ლობჟანიძის გუნდი საკუთარ მოედანზე დამაჯერებალდ 3:1 იგებდა. თუმცა, 73-ე წუთისთვის სტუმრებმა გათანაბრება მოახერხეს (3:3). საბოლოოდ, „რანდერსმა“ 78-ე წუთზე მეოთხე გაიტანა და მაინც მოიგო.

ლობჟანიძემ მოედანზე 87 წუთი გაატარა და საგოლე პასი მიითვალა. 56-ე წუთზე ჯარიმა კარგად ჩააწოდა საჯარიმოში და კონბოიმ მეტოქის კარი აიღო.

შედეგად, „რანდერსი“ ევროპა ლიგის ზონის პლეი-ოფის ნახევარფინალში გავიდა, სადაც „ოლბორგისა“ და „ორჰუსის“ წყვილში გამარჯვებულს დაუპიირსპირდება.