ფეხბურთი

20:47 | 10.05.2019 | ნანახია [] - ჯერ

კლოპი: "ბაქოში ფინალის ჩატარება უპასუხისმგებლო და უგუნური გადაწყვეტილებაა"

ინგლისური „ლივერპულის“ მთავარმა მწვრთნელმა იურგენ კლოპმა უეფას გადაწყვეტილება დაუწუნა და თქვა, რომ ევროპა ლიგის ფინალის გაქოში ჩატარება უგუნური გადაწყვეტილებაა.

საქმე ისაა, რომ ფინალისთვის „არსენალსა“ და „ჩელსის“ მხოლოდ 6-6 ათასი ბილეთი გადაეცათ. ეს იმის მიუხედავად, რომ ბაქოს სტადიონი 68 700 მაყურებელს იტევს. საინტერესოა, რომ ლონდონიდან აზერბაიჯანის დედაქალაქის მიმართულებით ამ მომენტისათვის დაგეგმილი ფრენები არაა. ხსენებული მოტივებით ორივე გუნდის და საერთოდ, ინგლისური ფეხბურთის წარმომადგენლები მეტად უკმაყოფილონი არიან. ამჯერად კი, თავისი მოსაზრება "წითლების" დამრიგებელაც დააფიქსირა:

„ის ადამიანები, რომლებიც გადაწყვეტილებებს იღებენ, არ ვიცი რას ჭამენ დილით საუზმეზე. ბაქო? არც კი ვიცი, იქ როგორ უნდა ჩავიდე, დაგეგმილი ფრენები არის? ასეთ გადაწყვეტილებებს უფრო მეტი სენსიტიურობა სჭირდება, უფრო გონივრულობა. პრაქტიკულად ეს უპასუხისმგებლობაა, არ ვიცი, ამას როგორ აკეთებენ“, - თქვა კლოპმა.

ბარემ ისიც ვთქვათ, რომ „ლივერპული“ „ტოტენჰემის“ წინააღმდეგ 1-ივნისს, მადრიდში დაუპირისპირდება. გუნდებს 16-16 ათასი ბილეთი გადაეცათ, იმის ფონზე, რომ სტადიონი 68 ათას მაყურებელს იტევს.

შეგახსენებთ, ევროპა ლიგის ფინალი 29 მაისს, ბაქოს ოლიმპიურ სტადიონზე გაიმართება, ხოლო ჩემპიონთა ლიგის 1-ელ ივნისს, მადრიდის“ვანდა მეტროპოლიტანოზე“.

Loading...
სტატისტიკა
0.323791