ჩემპიონთა ლიგის საპასუხო ნახევარფინალურ მატჩში „ტოტენჰემმა“ „აიაქსს“ 3:2 მოუგო (პირველი შეხვედრა 0:1) და ტურნირის ფინალში გავიდა, სადაც 1 ივნისს „ლივერპულს“ შეხვდება.

ამისდაკვალად, „ტოტენჰემი“ მეხუთე ინგლისური კლუბი გახდა, ვისაც ევროპული საკლუბო ფეხბურთის ყველაზე პრესტიჟული ტურნირის გადამწყვეტ მატჩში უთამაშია. მანამდე ასეთები: „მანჩესტერ იუნაიტედი,“ „ლივერპული,“ „ჩელსი“ და „არსენალი“ იყვნენ.

ამ მაჩვენებლით ინგლისმა ესპანეთს გადაუსწრო და გახდა ქვეყანა, რომელსაც ლიგის ფინალში ყველაზე მეტი გუნდი ჰყოლია.