ფეხბურთი

14:49 | 7.05.2019 | ნანახია [] - ჯერ

გვარდიოლა აპრილის საუკეთესო მწვრთნელია პრემიერლიგაში

„მანჩესტერ სიტის“ დამრიგებელი, ხოსეპ გვარდიოლა, პრემიერლიგის მაისის საუკეთესო მწვრთნელად დაასახელეს. ამის შესახებ „ქალაქელების“ ოფიციალური „ტვიტერი“ წერს.

გამოკითხვაში, რომელიც ინტერნეტ-მომხმარებლებს შორის ჩატარდა, მანჩესტერელთა მწვრთნელმა იურგენ კლოპს („ლივერპული“), სქოთ პარკერსა („ფულემი“) და ნუნუ ეშპირიტუ სანტუს („ვულვზი“) აჯობა.

აპრილში „სიტიმ“ პრემიერლიგაში ხუთი მატჩი გამართა და ხუთივე მოიგო: „კარდიფთან“ - 2:0, „კრისტალ პალასთან“ – 3:1, „ტოტენჰემთან“ – 1:0, „მანჩესტერთან“ – 2:0 და „ბარნლისთან“ – 1:0.

მიმდინარე პრემიერლიგის დამთავრებამდე ერთი ტურით ადრე, „სიტი“ 95 ქულით ლიდერობს გათამაშების ცხრილს. ბოლო შეხვედრას კი 12 მაისს გამართავს „ბრაიტონთან“ სტუმრად.

Loading...
სტატისტიკა
0.343482