"დილამ" გაასამა, "ჩიხურას" წაუგებელი სერია დასრულდა

„დილამ“ მიმდინარე სეზონი წარუმატებლად დაიწყო, მაგრამ ამ თამაშს ორმატჩიანი მოგებათა სერიით შეხვდა, ხოლო „ჩიხურა“ საერთოდ, პირველი ტურის შემდეგ (ზედიზედ 9 თამაში) დაუმარცხებლად მოვიდა აქამდე.

ამჯერად, უფრო ძლიერი გიორგი დეკანოსიძის გუნდი გახდა, რომელმაც იმერული მოწინააღმდეგე ადვილად, პირველივე ტაიმში გატანილი გოლებით დაამარცხა. ნონიკაშვილმა და გოშთელიანმა 24-ე წუთისთვის გორელებს სერიოზული უპირატესობა მოუტანეს და დარჩენილ დროში სოსო ფრუიძის გუნდმა სიტუაციის შეცვლა ვერ მოახერხა.

ამრიგად, „დილამ“ მიჯრით მესამე გამარჯვება მოიპოვა, 14 ქულა დააგროვა და მეექვსე ადგილამდე აღზევდა, ხოლო „ჩიხურამ“ 9-მატჩიანი წაუგებელი სერია დაასრულა, 15 ქულა აქვს და მეხუთე პოზიციას იკავებს.

„დილა“ – „ჩიხურა“ 2:0 (2:0)

გოლები: 1:0 ნონიკაშვილი (12), 2:0 გოშთელიანი (24)

გიორგი მელქაძე

თეგებიკრისტალბეთ ეროვნული ლიგა