„აიაქსი“ ისევ შეუდარებელია. ერიკ ტენ ჰაგის ბიჭებს შეუძლიათ ჩემპიონთა ლიგის ფინალზე აღარ იოცნებონ - ეს უბრალოდ რეალობაა.
ლონდონში, „ტოტენჰემი“ თავის ახალ სტადიონზე მეტად უფერული და მეტად უსუსური იყო. მართალია, არც „აიაქსს“ უთამაშია ისეთი თავბრუ დამხვევი ფეხბურთი, როგორც მადრიდსა და ტურინში, მაგრამ რაც საჭირო იყო გააკეთა - გაიმარჯვა!
შესაბამისად, საპასუხო მატჩისწინ თავი ჩინებულ სიტუაციაში ჩააგდო და „იოჰან კრუიფ არენაზე“ თუ არ წააგებს, ფინალისტიც გახდება. იქამდე კი, დონი ვან დე ბეეკის ერთადერთმა გოლმა გადაწყვიტა ყველაფერი, რომელიც ჰაკიმ ზიეჩის ჩინებული სათამაშო ოსტატობის წყალობით უგო ლორისთან მარტო აღმოჩნდა და იმდენი დრო ჰქონდა დარტყმის განსახორციელებლად, რომ ვერგატანა უფრო ძნელი იყო, ვიდრე გატანა. საერთოდ, მოსაწყენი თამაში გამოვიდა - „ტოტენჰემს“ არ შეეძლო შეტევა და კარშიც ერთადერთხელ დაარტყა, სახიფათო მომენტს კი ვერც ვიხსენებთ. საპასუხოდ, „აიაქსმა“ ანგარიშის შენარჩუნებას უფრო მეტი დრო დაუთმო, მაგრამ მატჩის ბოლოს დავიდ ნერეშს ძელმა შეუშალა ხელი, თორემ სხვაობა გაცილებით დიდი იქნებოდა. „აიაქსმა“ მოიგო და ახლა რამდენიმე საინტერესო ფაქტსაც გეტყვით.
მაგალითისთვის, ჩემპიონთა ლიგის ნახევარფინალში 17-ჯერ დამარცხებულა მასპინძელი პირველ შეხვედრაში და ფინალში გასვლა მხოლოდ ერთმა მოახერხა. ეს ერთი გუნდი კი1995-1996 წლების სეზონში სწორედ „აიაქსი“ იყო, რომელმაც ათენის „პანათინაიკოსს“ შინ მარცხის მერე, სტუმრად აჯობა.
„აიაქსი“ ჩემპიონთა ლიგის ისტორიაში მესამე გუნდი გახდა, რომელმაც მერვედფინალიდან ნახევარფინალამდე სამივე საგარეო მატჩი მოიგო. წინა ორ შემთხვევაში ამის ჩამდენი გუნდი ჩემპიონი ხდებოდა - „ბაიერნი“ 2012-2013 და „რეალი“ 2017-2018... ამსტერდამელებმა მიჯრით 9 საგარეო შეხვედრაში გაიტანეს გოლი ჩემპიონთა ლიგაზე და ეს ამ გუნდის ისტორიაში პირველად მოხდა.
დონი ვან დე ბეეკი რიგით მესამე ახალგაზრდა ფეხბურთელია „აიაქსის“ ისტორიაში (22 წელი და 12 დღე), რომელსაც ჩემპიონთა ლიგის ნახევარფინალში გაუტანია. მასზე უფრო პატარა ასაკში იგივე ნორდინ ვუტერმა (19 წელი და 237 დღე) და მარიო მელხიოტმა გააკეთეს (20 წელი და 170 დღე).
აი, მატის დე ლიხტი კი ჩემპიონთა ლიგის ნახევარფინალების ისტორიაში ყველაზე ახალგაზრდა კაპიტანი გახდა.
ფაქტია ისიც, რომ „აიაქსი“ უკეთესი გუნდია, ვიდრე „ტოტენჰემი“ და ფინალსაც უფრო მეტად იმსახურებს. და მაინც, „მამლების“ ჩამოწერაც არ ივარგებს და წინ კიდევ ერთი 90 წუთია, რომელიც „იოჰან კრუიფ არენაზე“ ზუსტად ერთ კვირაში, 8 მაისს შედგება.
„ტოტენჰემი“ – „აიაქსი“ 0:1 (0:1) VIDEO
ლონდონი, „ტოტენჰემ ჰოტსპურ სთედიუმი“
მაყურებელი: 60 243
„ტოტენჰემი“ (3-4-3): ლორისი; ალდერვეირელდი, სანჩესი, ვერტონგენი (სისოკო 39); ტრიპიერი (ფოიტი 80), ერიკსენი, ვანიამა, როუზი (დევისი 79); ალი, ლორენტე, ლუკას მოურა
მწვრთნელი: მაურისიო პოჩეტინო
„აიაქსი“ (4-2-3-1): ონანა; ველტმანი, დე ლიხტი, ბლინდი, ტალიაფიკო; შონე (მაზრაუი 65), დე იონგი; ზიეჩი (ჰუნტელაარი 87), ვან დე ბეეკი, ნერეში; ტადიჩი
მწვრთნელი: ერიკ ტენ ჰაგი
გოლი: 0:1 ვან დე ბეეკი (15)
გაფრთხილება: ტალიაფიკო (30), ველტმანი (63)
სტატისტიკა - კარისკენ დარტყმები: 8 (1) – 5 (2) ბურთის ფლობა: 49%-51% კუთხურები: 3:3 თამაშგარე: 0:5
მსაჯი: ანტონიო მატეუ (ესპანეთი)
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
კაცმა პირდაპირ შეუტია პრეზიდენტს და აასხმევინა გუნდიდან.გგონიათ ასეთი რამ მასე მარტივად და უმიზეზოდ ხდება?ან ოდესმე მომხდარა ფეხბურთის ისტორიაში რომ ფეხბურთელს პრეზიდენტი გაეშვა?დღესაც იმეორებს რომ ბართომეუმ იმდენჯერ მომატყუა ვეღარ ვითვლი და არ მინდა ამაზე საუბარიო.პირდაპირ იმას ხო არ იტყვის მოგებული ლიგა გამიყიდაო?სასამართლოებს ხო არ მოაწყობინებს,დაკითხვებზე ხო არ ივლის და საფეხბურთო მაფიას ხომ ვერ დაეტაკება?ბართომეუს მესი ჭირდებოდა ფულის საკეთებლად ესაა სიმართლე.როცა პრაიმ მესი გყავს გუნდში ყველა ტურნირის ფავორიტი ხარ,შესაბამისად ჩატეხავ სადმე და ამოყრი მაყუთს.2019-ში ლივერპულთან წაგების შემდეგ ხმას არ ცემდა მესი,მთელი სეზონის ნაწვალები ჩაუყარა წყალში და მართლა მთელი ენერგია დაახარჯა იმ სეზონს რომ მოეგო.მომდევნო სეზონში იგივეს გაკეთება აღარ შეეძლო მესის,ასაკი თავისას შვება.ამიტომ ამან შვიდჯერ მიაკითხა სახლში და გაყიდული ლიგის სანაცვლოდ ნეიმარს დაპირდა(გაისად მოიგებ ნეიმართან ერთად და ასე მარტო წვალება აღარ დაგჭირდებაო) რითაც ცოტათი მოალბო.მერე არც ნეიმარი არ მიუყვანა და მესიმ ლა ლიგის საწყისი 5 ტური გამოტოვა 2019-20-ში,იმიზეზებდა ტრავმებს.უკვე აღარ უნდოდა ბარსაში თამაში.2020-ში კი როცა მეცხვარე მიუყვანა და საბოლოოდ გაანადგურა კლუბი კონტრაქტით ქონდა წასვლის უფლება რისი გამოყენებაც უნდოდა მესის და გაშვებითაც არ გაუშვა,კიდევ ნაგავში ტოვებდა.ამანაც სასამართლოებში აღარ ირბინა,ბარსას არ უჩივლა,ქომაგს ცა პატივი(მოიგებდა პროცესს რომ ეჩივლა) და ერთი სეზონი დარჩა მაინც.რა იქნება 2021-ში ვნახოთ ეხლა.გააჩნია ვინ მოვა პრეზიდენტად და რა პროექტს წარადგენს.მესიმ თქვა რომ 2021-ის ივნისამდე არანაირ გადაწყვეტილებას არ მიიღებს და არცერთ კლუბთან მოლაპარაკებას არ აპირებს იანვარში.მართალია მესის ბოლო 4 პრაიმ წელი შეიწირა იმ ახვარმა მაგრამ თუ ბარსაში ნორმალური პროექტი იქნება კიდევ ერთ გაბრძოლებას ეს მესიც შეძლებს იმავე ლიგაზე,თუ არადა წავა იქ სადაც მეტი შანსი ექნება.ერთ ლიგას და 1 ოქროს ბურთს მესი კიდევ მოიგებს კარიერის ბოლომდე
ლიჩნად მესის მოგებული ლიგა იყო 2019 რომ არა აჩკებიანი კრისა.მარადონა 1986-ის მსოფლიო და მესი 2019-ის ლიგა.აი ეს ორი ტურნირი იყო რომ იტყვიან ერთი კაცის მოგებული ფეხბურთის ისტორიაში მაგრამ ჩაერია კრისა და გააკეთა მაყუთი.2016-ში რა გუნდი დაატორმუზა კიდევ,ქვას ქვაზე არ ტოვებდნენ ყველას ანადგურებდნენ.აპრილში სანაკრებოს მერე ლევანტე დაბრუნდა ბარსას ნაცვლად.დასახვრეტია ის ახვარი აჩკებიანი,მადრიდიდან მიგზავნილი კრისა.2015-ის ლიგა მოიგო პრეზიდენტი რომ გამხდარიყო(დროებითი პრეზიდენტი იყო მანამდე რამდენიმე თვე როსელის დაჭერის გამო) და მერე რამდენიმე წლიანი გეგმის შესრულებას შეუდგა რითაც შეარცხვინა და გაანადგურა კლუბი.იდეალურად შეასრულა მადრიდის დაკვეთა
კოუტინიო გასაშვებია.ამდენ შანსს რომ ვერ გამოიყენებს კაცი იმას აღარ ეკუთვნის გუნდში დარჩენა.160 მილიონი ვისში გადაიხადა ტიპმა გამოქლიავდება კაცი.ცალკე დემბელეში 150 და გრიზმანში 120.წარმოიდგინეთ 430 მილიონი გაუშვა ნაგავში და მწვრთნელად ყავდა ვალვერდე სეტიენი და ახლა კუმანი.მიუხედავად ამისა ის ვალვერდე ლიგას იგებდა(ვალვერდე რა მესი) და წააგებინა ფულის გამო.ბართომეუმ ბარსასთან ერთად მესიც გაანადგურა.2017-21 ეს 4 სეზონი პირადად წაართვა კარიერის და მერე უკვირთ რატომ უნდა წასვლაო.2019-შივე უნდა წასულიყო როცა სიმწრით მოგებული ლიგა გაუყიდა
კამპნოუზეც კი ვეღარ უგებენ ეიბარის დონის გუნდებს მესის გარეშე.დაცვა ისევ ფოკუზნიკობს.წლების წინ რას ვიფიქრებდი ამის თქმა თუ მომიწევდა მაგრამ დღეს ბარსა გუნდი კი არა ნაგავია.ბართომეუს მოკითხვა.ეს არის კარგი მაგალითი იმის ეტაპობრივად მიზანმიმართულად როგორ უნდა გაანადგურო მსოფლიოს საუკეთესო კლუბი.ლაპორტა თუ უშველის ისევ მაგრამ მაგასაც კაი დრო დაჭირდება ისეთ დღეშია გუნდი.ვალებში იხრჩობიან და ლამის ყველა პოზიციაზე პრობლემა აქვთ მწვრთნელის ჩათვლით.დაცვის ხაზი კი საერთოდ კრიტიკას ვერ უძლებს,იმენა ორღობის დაცვაა