ფეხბურთი

0:25 | 1.05.2019 | ნანახია [] - ჯერ

ვალვერდე: "გამარჯვება გვინდა, მაგრამ კარის უსაფრთხოება მნიშვნელოვანი იქნება"

კატალონიის „ბარსელონას“ მთავარი მწვრთნელი ერნესტო ვალვერდე ინგლისურ „ლივერპულთან“ ჩემპიონთა ლიგის ნახევარფინალში ძალიან მძიმე დაპირისპირებას ელოდება.

ესპანელმა მატჩისწინა პრესკონფერენციაზე მეტოქის მიმართ საქებარი სიტყვები არ დაიშურა და განაცხადა, რომ მისი დამარცხება რთულია:

„ლივერპული“ ძალიან ძლიერია და მეტოქეებზე ზეწოლას ახდენს. ინგლისელთა დამარცხება ძალიან რთულია და ამაზე ისიც მოწმობს, რომ ამ სეზონში პრემიერლიგაში ერთადერთხელ წააგო. ეს მიანიშნებს „ლივერპულის“ სიძლიერეზე. იურგენ კლოპის სტილი სწრაფი ფეხბურთია და ასე ათამაშებდა „დორტმუნდსაც“.

გასულ სეზონთან შედარებით „ლივერპული“ არ შეცვლილა, მიუხედავად იმისა, რომ რამდენიმე ახალი ფეხბურთელია გუნდში. ვფიქრობ, იგივე გუნდია, რომელიც შარშან ფინალში გავიდა.

რა თქმა უნდა, ჩვენ გამარჯვება გვინდა, მაგრამ არ უნდა დაგვავიწყდეს, რომ წინ მეორე მატჩია და ამიტომ, საკუთარი კარის მშრალად შენახვა მნიშვნელოვანი იქნება. შეცდომები არ უნდა დავუშვათ, რადგან მეტოქე ამას არავის პატიობს. ჩვენს წყვილში გამარჯვებული ფინალსაც მოიგებს? არ ვიცი, მხოლოდ ის ვიცი, რომ ორივე გუნდი ნახევარფინალში თამაშობს“, - აღნიშნა ვალვერდემ.

შეგახსენებთ, რომ „ბარსელონასა“ და „ლივერპულის“ შეხვედრა 1-ელ მაისს, თბილისის დროით 23:00 საათზე დაიწყება.

Loading...
სტატისტიკა
0.25797