დორტმუნდის „ბორუსიას“ ნახევარმცველმა ჯეიდონ სანჩომ ლეგენდარული თანამემამულის, ფრენკ ლამპარდის მიღწევა გაიმეორა.
„შალკესთან“ მატჩის მე-14 წუთზე სანჩოს პასით მაიო გიოტცემ გაიტანა და ეს 19 წლის ფეხბურთელისთვის მიმდინარე სეზონში მე-14 საგოლე გადაცემაა. ბოლო ინგლისელი, რომელმაც მსგავსი შედეგი დააფიქსირა ტოპ ჩემპიონატებში ფრენკ ლამპარდი იყო. „ჩელსის“ ლეგენდამ 2009-2010 წლების სეზონი 14 შედეგიანი პასით დაასრულა.
სანჩოს ფრენკის მიღწევის კიდევ უფრო გაუმჯობესება შეუძლია, რადგან სეზონი ჯერ არ დასრულებულა. მიმდინარე სეზონში 19 წლის გარემარბმა 14 საგოლე პასთან ერთად 11 გოლიც მიითვალა.
