ფრანგული „პარი სენ ჟერმენის“ ვარსკვლავი ნეიმარი იტალიას და კერძოდ, ტურინს ესტუმრა. რა თქმა უნდა, ამ ფაქტმა მაშინვე გამოიწვია დიდი რეზონანსი იტალიურ მედიასა და „იუვეს“ გულშემატკივრებში.

რეალურად კი ბრაზილიელი ტურინს თავისი მეგობრის, დუგლას კოშტას მიპატიჟებით და სანახავად ესტუმრა. მოგეხსენებათ, კოშტა სწორედ „იუვენტუსის“ ღირსებას იცავს.

მიუხედავად ამ უბრალო მიზეზისა, ქომაგები ოცნებას მიეცნენ და იმედოვნებენ, რომ კლუბის ხელმძღვანელობა კრიშტიანუ რონალდუს შემდეგ ბრაზილიელ ფეხბურთელსაც გაიფორმებს.

შეგახსენებთ, რომ ნეიმარის საბაზრო ღირებულება 200 მილიონ ევროს აჭარბებს, ხოლო პსჟ-ში წელიწადში 37 მილიონ ევროს გამოიმუშავებს და კონტრაქტი 2022 წლის ზაფხულამდე აქვს გაფორმებული.