სხვა

17:00 | 25.04.2019 | ნანახია [] - ჯერ

ქართველ ჰოკეისტთა მარცხი ზელანდიელებთან

საქართველოს ჰოკეისტთა ეროვნულმა ნაკრებმა 2019 წლის მსოფლიო ჩემპიონატის II დივიზიონის B ჯგუფში მე-3 მატჩი ჩაატარა და ახალ ზელანდიასთან 2:6 (2:2, 0:2, 0:2) დამარცხდა.

თამაში პირველ ტურში ჩრდილოეთ კორეასთან შეხვედრას გავდა. ქართველი ჰოკეისტები თავიდან მეტოქეს ყოჩაღად დაუდგნენ და პირველ პერიოდში არტიომ კურბატოვმა და არტიომ კოზიულინმა გოლებიც გაიტანეს, შემდეგ კი, ფიზიკურმა მომზადებამ თავი იჩინა და ზელანდიელებმა სასწორი სათავისოდ გადახარეს.
მარცხის მიუხედავად, საქართველოს ნაკრები უმთავრეს მიზანთან, რაც ჳჳ დივიზიონში ადგილის შენარჩუნება გახლავთ, ახლოსაა.
შეგახსენებთ, რომ ლიგიდან მხოლოდ ბოლოადგილოსანი ვარდება, საქართველოს ნაკრებს კი უკვე მოგებული აქვს უმთავრეს კონკურენტ – ტურნირის მასპინძელ მექსიკასთან.
სავარაუდოა, რომ ყველაფერი ბოლო ტურში გაირკვევა, როდესაც მექსიკელები ჩრდილოეთ კორეას გაეჯიბრებიან და თუკი ვერ იმარჯვეს, საქართველოს ზურგს უკან აღმოჩნდებიან.
ქართველ ჰოკეისტებს კი სანტა ფეში 2 მატჩი დარჩათ ჩასატარებელი: 26 აპრილს ჩვენები ისლანდიას გაეჯიბრებიან, 27-ში კი უმთავრეს ფავორიტ ისრაელთან თამაშია.

21 აპრილი
საქართველო – ჩრდილოეთ კორეა 4:9
ისრაელი – ისლანდია 6:3
მექსიკა – ახალი ზელანდია 2:7

22 აპრილი
ისლანდია – ჩრდილოეთ კორეა 8:0
ახალი ზელანდია – ისრაელი 3:5
მექსიკა – საქართველო 2:3

24 აპრილი
ახალი ზელანდია – საქართველო 6:2
ისრაელი – ჩრდილოეთ კორეა 9:3
ისლანდია – მექსიკა 8:1

26 აპრილი
ჩრდილოეთ კორეა – ახალი ზელანდია
საქართველო – ისლანდია
მექსიკა - ისრაელი

27 აპრილი
ისრაელი – საქართველო
ისლანდია – ახალი ზელანდია
ჩრდილოეთ კორეა – მექსიკა

0.111164