ჩოგბურთი

21:21 | 24.04.2019 | ნანახია [] - ჯერ

ხვალ ბასილაშვილს მერვედფინალი ელის

ცნობილი გახდა, ბუდაპეშტის საერთაშორისო ტურნირის (საპრიზო ფონდი 586 140 ევრო) ხვალინდელი დღის განრიგი, როდესაც საქმეში საქართველოს პირველ ჩოგან ნიკოლოზ ბასილაშვილსაც ვიხილავთ.

შეგახსენებთ, რომ ნიკა უნგრეთის ღია პირველობაზე მე-4 ნომრადაა განთესილი და ბრძოლაში პირდაპირ მერვედფინალიდან ჩაებმება, სადაც მისი მეტოქე გერმანელი პეტერ გოიოვჩიკი იქნება.
ეს შეხვედრა პირველ კორტზე მე-3 წყებაშია დანიშნული და წინასწარი მონაცემებით, თბილისის დროით 16:00 საათიდან აიღებს სტარტს.
25 აპრილსვე ერთმანეთს მე-5 განთესვის მქონე სერბი ლასლო ჯერე და ძირითად ბადეში “იღბლიანი წაგებულის” სტატუსით გასული იტალიელი იანიკ სინერი დაუპირისპირდებიან.
თუკი ბასილაშვილმა გოიოვჩიკის ძლევა მოახერხა, მეოთხედფინალში ძალებს სწორედ აღნიშნულ დუეტში გამარჯვებულთან მოსინჯავს.

0.112646