ინგლისური „მანჩესტერ სიტის“ შემტევმა რაჰიმ სტერლინგმა გარდაცვლილი 13 წლის ფეხბურთელის დაკრძალვის ხარჯები დაფარა. აღნიშნულ ინფორმაციას BBC-ი ავრცელებს.

„კრისტალ პალასის“ აკადემიის ფეხბურთელი დამარი დოკინსი 13 წლის ასაკში გასულ თვეში ლეიკემიით გარდაიცვალა. ინგლისელმა ფეხბურთელმა დამარი გარდაცვალებამდე ნოემბრის თვეში საავადმყოფოშიც მოინახულა.

მარტში კი, ინგლისისა და ჩეხეთის დაპირისპირების დროს (5:0), სტერლინგმა მეორე გოლის დროს ქომაგებს მაისური აჩვენა, რომელზეც თვითონ და დოკინსი იყო აღბეჭდილი.

„დამარი განსაკუთრებული ბიჭი იყო და მან ბევრ ადამიანს დაწყვიტა გული, მათ შორის მეც“, - თქვა რაჰიმ სტერლინგმა.