საქართველოს ჭაბუკთა ჩემპიონატზე მეორე ეტაპი დასრულდა. ნახევარფინალის ბოლო საგზური მოიპოვა აჭარამ, რომელმაც 22-12 დაამარცხა ყვარელი. 12 მაისს, ნახევარფინალში ითამაშებენ პეგასი - აჭარა, BSB ბათუმი - სამტრედია.

მეორე ეტაპის ბოლო დღეს ფოთმა 21-14 დაამარცხა ქარიშხალა და A ჯგუფში მესამე ადგილი დაიკავა. ჯგუფში პირველობისთვის აღმოსავლეთის ლიგის ჩემპიონმა, პეგასმა 22-15 მოუგო საქართველოს შარშანდელ ჩემპიონს სამტრედიას და ნახევარფინალში დასავლეთის ლიგის გამარჯვებულს აჭარას შეხვდება.

აჭარამ მეორე ადგილი დაიკავა B ჯგუფში და გადამწყვეტ თამაშში იოლად მოუგო ყვარელს, 22-12. შედეგად, მეორე ნახევარფინალი დასავლეთის ლიგის მეორე და მესამე პრიზიორმა დააკომპლექტეს - სამტრედიამ და ბათუმის „შავი ზღვის ბიჭებმა“, რომელმაც ბოლო დღეს 35-23 მოუგო რუსთავს და ქულათა მაქსიმუმით B ჯგუფში პირველი ადგილი დაიკავა.

საქართველოს ჩემპიონატში უფროსი ასაკის, 17-წლამდელ ჭაბუკებს შორის 15 გუნდი მონაწილეობდა. ჯერ გამოვლინდა აღმოსავლეთისა და დასავლეთის ლიგების ჩემპიონები და 5-5 საუკეთესო გუნდი, რომლებმაც ბრძოლა უშუალოდ საქართველოს ჩემპიონობისთვის განაგრძეს. ფინალური ოთხეულის ტურნირი 11-12 მაისს გაიმართება თბილისში, ხოლო 1-5 ივლისს საქართველოს ამ ასაკის ნაკრებს ევროპის ჩემპიონატი აქვს გეტებორგში, შვედეთი.

ხელბურთი. საქართველოს ჩემპიონატი 2018-19. ჭაბუკები, 17 წ

მეორე ეტაპი. 21 აპრილი, თბილისი

2-2 საუკეთესო გადის ფინალურ ოთხეულში

A ჯგუფი

ქარიშხალა - ფოთი 14-21

პეგასი - სამტრედია 22-15

------------------თ---მ---ფ---წ------ბ----ქ

პეგასი-----------4---4---0---0--110-56--8

სამტრედია-----4---3---0---1---74-52---6

ფოთი-----------4---2---0---2---86-87---4

ქარიშხალა-----4---1---0---3---69-92---2

ქარელი---------4---0---0---4--52-104---0

B ჯგუფი

ბათუმი - რუსთავი 35-23

აჭარა - ყვარელი 22-12

მსაჯები: ნ. კევლიშვილი, თ. კევლიშვილი, გ. გველესიანი,

თ. ბჟალავა, ი. ჭკუასელი, ზ. აბრამიშვილი, ი. გოგოლაძე

------------------თ---მ---ფ---წ------ბ----ქ

ბათუმი---------4---4---0---0---99-75---8

აჭარა------------4---3---0---1---85-62---6

ყვარელი--------4---2---0---2---70-71---4

ქუთაისი--------4---1---0---3---74-82---2

რუსთავი--------4---0---0---4--68-106--0

11 მაისი, ნახევარფინალი

პეგასი - აჭარა

BSB ბათუმი - სამტრედია

12 მაისი, ფინალი