ფეხბურთი

19:05 | 20.04.2019 | ნანახია [] - ჯერ

ლევან მჭედლიძის საგოლე პასი სერია A-ში (+VIDEO)

იტალიის სერია A-ს XXXIII ტურში ლევან მჭედლიძის „ემპოლიმ“ უშუალო კონკურენტ „სპალს“ უმასპინძლა და მტკივნეული მარცხი იწვნია (2:4). ვინძლო, ტოსკანელებმა ამ წაგებით სერია B-სკენ ძალიან დიდი ნაბიჯი გადადგეს.

არადა, ამ უხვგოლიან შეხვედრაში ანგარიში „ემპოლიმ“ გახსნა, მაგრამ შემდეგ სტუმრები გაცილებით კარგად გაისარჯნენ.

ლევან მჭედლიძე მოედანზე მეორე ტაიმის პირველივე წუთიდან გამოჩნდა და მალევე საგოლე პასი მიითვალა. 47-ე წუთზე ჰამედ ტრაორემ მას შემდგე გაიტანა, რაც ჩვენებურმა ბურთი კარგად დაუგდო, იტალიის ელიტარულ ლიგაში მისთვის სადებიუტო გოლი გაიტანა და იმ დროისთვის ანგარიში გაათანაბრა (2:2). მაგრამ შემდეგ „სპალმა“ კიდევ ორჯერ იხეირა და იმარჯვა.

„ემპოლის“ დიდი ალბათობით, ეს წაგება ძვირად დაუჯდება, რადგან 29 ქულით გასავარდნ ზონაშია მე-18 ადგილზე, ხოლო მის წინ, სამშვიდობოს მყოფ „უდინეზეს“ 4 ქულით ჩამორჩება. „ბოლოანის“ კი, რომელმაც პარალელურად „სამპდორია“ (3:0) დაამარცხა, უკვე 5 ქულით ჩამორჩა.

სტატისტიკა
0.237828