ჭადრაკი

13:00 | 20.04.2019 | ნანახია [] - ჯერ

ხოტენაშვილმა მესამე ადგილზე გადაინაცვლა

ევროპის ქალთა ჩემპიონატის მერვე ტურში ბელა ხოტენაშვილმა (2479) იტალიელი მარინა ბრუნელო 27-ე სვლაზე დაამარცხა და 6 ქულით მესამე ადგილზე გადაინაცვლა!

თურქულ ანტალიაში მიმდინარე შეჯიბრზე პირველობას 6.5-6.5 ქულით ალინა კაშლინსკაია (რუსეთი) და ინა გაპონენკო (უკრაინა) ინაწილებენ. მომდევნო ტურში ბელას მეტოქე ფრანგი მარი სება იქნება.

ქართველ მონაწილეთა ტექნიკური შედეგები:

26.ნანა ძაგნიძე - 5 ქულა;

36. მერი არაბიძე - 5 ქულა;
65. ნინო ბაციაშვილი - 4 ქულა;

68. სოფიკო ხუხაშვილი - 4 ქულა;

73. სალომე მელია - 4 ქულა;
84. მირანდა მიქაძე - 3,5 ქულა;
106. ეკატერინე ფიფია - 3 ქულა.

აღსანიშნავია, რომ ჩემპიონატის სატურნირო რეიტინგ-სიის მე-2 და მე-3 ნომრად ქართველი მოჭადრაკეები არიან განთესილები: 2017 წლის ევროპის ჩემპიონი ნანა ძაგნიძე და ბელა ხოტენაშვილი.
შეჯიბრი შვეიცარიული სისტემით 11 ტურად იმართება და მისი საპრიზო ფონდი 60 ათასი ევროს შეადგენს, საიდანაც გამარჯვებული 10 ათასს მიიღებს, 14 საუკეთესო კი მსოფლიოს თასის საგზურს მოიპოვებს.

ფოტოგალერეა

ტექნიკური შედეგები

ოფიციალური ვებგვერდი

0.153806