ჭადრაკი

14:15 | 19.04.2019 | ნანახია [] - ჯერ

ხოტენაშვილი ათეულში რჩება

თურქულ ანტალიაში მიმდინარე ქალთა ევროპის რიგით მე-20 ჩემპიონატის 7 ტურის თავზე ბელა ხოტენაშვილმა (2479) 5.0 ქულა მოაგროვა და სატურნირო ცხრილში მეშვიდე-მეთოთხმეტე ადგილებს ინაწილებს, დამატებითი მაჩვენებლებით კი, მერვეა.

გასულ ტურში ხოტენაშვილი თეთრი ფიგურებით სომეხ ელინა დანიელიანს (2413) დაუზავდა, მე-8 ტურში კი თეთრებითვე იტალიის წარმომადგენელ მარინა ბრუნელოს (2356) გაეჯიბრება.
ამ დროისთვის, შეჯიბრის ერთპიროვნული ლიდერი რუსი ალინა კაშლინსკაია (2477) გახლავთ 6.0 ქულით, მას კი, ნახევარქულიანი ჩამორჩენით 5 მოჭადრაკე მისდევს.
ტურნირზე მოთამაშე დანარჩენი ქართველი მოჭადრაკეების მდგომარეობა კი ასეთია:
44. ნანა ძაგნიძე (2513) – 4.0
45. ნინო ბაციაშვილი (2453) – 4.0
54. სოფიკო ხუხაშვილი (2342) – 4.0
57. მერი არაბიძე (2399) – 4.0
75. სალომე მელია (2393) – 3.5
83. მირანდა მიქაძე (2266) – 3.0
93. ეკატერინე ფიფია (1936) – 3.0
შეგახსენებთ, რომ ევროპის ჩემპიონატი შვეიცარიული სისტემით 11 ტურად იმართება და მისი საპრიზო ფონდი 60 ათასი ევროს შეადგენს, საიდანაც გამარჯვებული 10 ათასს მიიღებს, 14 საუკეთესო კი მსოფლიოს თასის საგზურს მოიპოვებს.

Loading...
0.122082