ქართველი ჩოგბურთელი მარიამ ბოლქვაძე პორტუგალიურ ობიდოსში გამართული საერთაშორისო ტურნირის (საპრიზო ფონდი 25 ათასი დოლარი) გამარჯვებული გახდა. საინტერესოა, რომ ჩვენებურმა შეჯიბრზე ჩატარებული 5 მატჩი ისე მოიგო, მეტოქეებისთვის სეტიც კი არ დაუთმია.

მე-5 ნომრად განთესილმა ბოლქვაძემ საწყის რაუნდში კვალიფიკაციის ერთ-ერთ გამარჯვებული, დიდი ბრიტანეთის წარმომადგენელი ემილი ვებლი სმითი 6:3, 6:1 დაამარცხა, შემდეგ კი, მიყოლებით აჯობა კვალიფიკაციიდანვე გამოსულ ლატვიელ დანიელა ვისმანეს (6:3, 6:0), მე-4 რეიტინგის მქონე ესპანელ კრისტინა ბუკსას (6:3, 6:1), თანამემამულე სოფო შაფათავასა (6:2, 6:2) და კიდევ ერთ ესპანელ ნურია პარიზას-დიაზს – 6:2, 7:6 (7:5).

აღსანიშნავია, რომ ქართველმა ჩოგბურთელმა აღმართა წყვილთა შეჯიბრის გამარჯვებულისთვის დაწესებული პრიზიც. ფინალურ მატჩში სოფო შაფათავა და ხსენებული ვებლი-სმითი ბოლქვაძესა და სლოვენიელ ნასტია კოლარს გაეჯიბრნენ და მძიმე ბრძოლაში 6:1, 2:6, 11:9 მოიგეს.