საქართველოს ეროვნული ნაკრების წევრმა ლაშა ტალახაძემ ბათუმში გამართულ ევროპის ჩემპიონატზე სამი მსოფლიო რეკორდი დაამყარა, ამდენივე ოქროს მედალი მოიპოვა და ორჭიდის ჯამში ევროპის ჩემპიონი ზედიზედ მეოთხედ გახდა.

ქართველმა სპორტსმენმა ატაცში გასულ წელს აშხაბადში დაფიქსირებული რეკორდი გააუმჯობესა და ამჯერად 218 კილოგრამი აწია. ატაცში 25 წლის ლაშამ ასევე აშხაბადში დაფიქსირებული მსოფლიოს საუკეთესო მაჩვენებელი ერთი ცდით გააუმჯობესა და 260 ილოგრამი დაიმორჩილა და საბოლოოდ ორჭიდში დაფიქსირებული შედეგიც (478) სარეკორდო აღმოჩნდა.

ორი ვერცხლის და ერთი ბრინჯაოს მედალი მოიპოვა ირაკლი თურმანიძემ. 34 წლის სპორტსმენმა აბსოლუტ წონით კატეგორიაში ატაცში 206 კილოგრამის დაფიქსირებით მეორე ადგილი დაიკავა, ხოლო აკვრაში - მესამე (241). ორჭიდში ირაკლის 447 კგ დაუგროვდა და მეორე ადგილზე გავიდა. ევროპის ჩემპიონატზე თურმანიძემ ვერცხლის მედალი პირველად მოიპოვა, აქამდე ქართველს ბრინჯაოს და ოქროს მედლები ჰქონდა აღებული.