ამსტერდამის „აიაქსის“ კაპიტანი მატის დე ლიხტი დამდეგ ზაფხულს ჰოლანდიას დატოვებს. ამის შესახებ ესპანურ As-თან ჰოლანდიური გუნდის მთავარმა მწვრთნელმა ერიკ ტენ ჰაგმა ისაუბრა.

მისი განცხადებით, იმის შანსი, რომ 19 წლის ფეხბურთელი „აიაქსში“ დარჩეს, არ არსებობს.

„იმის შანსი, რომ მან კარიერა ისევ ჩვენთან გააგრძელოს, ნულია. ბევრი გუნდია მისით დაინტერესებული, ამ ზაფხულს დაგვტოვებს, მაგრამ არ ვიცი „ბაიერნში“ წავა თუ „ბარსელონაში“, - თქვა ტენ ჰაგმა.

შეგახსენებთ, დე ლიხტის ფასი დაახლოებით 80 მილიონ ევროს აღწევს. „ბაიერნისა“ და „ბარსელონას“ გარდა, ჰოლანდიელ მცველს „იუვენტუსსაც“ უკავშირებენ. სად გააგრძელებს კარიერას ჯერ უცნობია, მაგრამ ერთი რამ ცხადია - „აიაქსს“ ზაფხულში დატოვებს.