საქართველოს ეროვნული ნაკრების მთავარი მწვრთნელი ვლადიმირ ვაისი სასტუმრო რუმსში ჟურნალისტებს შეხვდა. სლოვაკი სპეციალისტის განცხადებით „ჯვაროსნები“ 5 სექტემბერს ჩილეს ნაკრებთან ამხანაგურ შეხვედრას ჩაატარებენ.
„ჩილეს ნაკრებთან მოლაპარაკებები მიმდინარეობს ამხანაგური მატჩის თაობაზე, რომელიც თბილისში, სექტემბერში უნდა გაიმართოს. ჯერჯერობით საკითხი ოფიციალურად დადასტურებული არ არის, თუმცა დიდი ალბათობით გადაწყვეტილება დადებითი იქნება“, - განაცხადა ვაისმა.
შეგახსენებთ, რომ ჩილეს ნაკრების გარდა, საქართველოს ნაკრები ნოემბერში მსოფლიოს ვიცე ჩემპიონ ხორვატიას შეხვდება.
