ქართველი ჩოგბურთელი ეკატერინე გორგოძე შვეიცარიულ ლუგანოში მიმდინარე საერთაშორისო ტურნირის (საპრიზო ფონდი 250 ათასი დოლარი) ძირითად ბადეში გასვლას ცდილობდა, თუმცა, მიზანს ვერ მიაღწია.

კვალიფიკაციაში მე-5 ნომრად განთესილი გორგოძე საწყის რაუნდში იტალიელ მარტინა დი ჯიუზეპეს გაეჯიბრა და 4:6, 6:2, 3:6 დამარცხდა.
წყვილთა შეჯიბრში გორგოძე და გერმანელი ტამარა კორპაჩი იტალიელ ჯორჯია მარკეტისა და ჰოლანდიელ არანჩა რუსს ვერ გაუმკლავდნენ – 4:6, 4:6.
დღეს ჩაატარებენ საწყისი წრის შეხვედრას ოქსანა კალაშნიკოვა და შვედი რებეკა პატერსონი. ისინი შვეიცარიელ ბელინდა ბენჩიჩსა და სლოვაკ ვიკტორია კუზმოვას ეთამაშებიან.