კატალონიის „ბარსელონას“ პრეზიდენტი ხოსეპ მარია ბართომეუმ განაცხადა, რომ პოლ პოგბას გადაბირება სურდათ, მაგრამ მისი ტრანსფერისთვის შესაბამისი თანხის გადახდა არ შეეძლოთ.

საქმე ეხება იმ პერიოდს, როდესაც ფრანგი „იუვენტუსში“ თამაშობდა.

„2015 წელს პოგბა „იუვენტუსში“ თამაშობდა და ჩვენ დავუკავშირდით ტურინელებს, ვუთხარით, რო თუ ერთ დღეს მის გაყიდვას გადაწყვეტდნენ, ჩვენ დაინტერესებულნი ვიყავით.

როდესაც ის გაყიდეს, ჩვენ იმ თანხის გადახდა არ შეგვეძლო და „მანჩესტერში“ გადავიდა. ახლა პოგბა მსოფლიოს ერთ-ერთი გამორჩეული ვარსკვლავია“, - განაცხადა ბართომეუმ.