თანატოლთა შორის ევროპის ჩემპიონატების მრავალგზის ჩემპიონის, ნინო ხომერიკის პირველობით დასრულდა ქალთა გრან პრის პირველი ეტაპი სწრაფ ჭადრაკში. გამარჯვებულმა 9-დან 8 ქულა დააგროვა და ნახევარი ქულით გაასწრო კონკურენტებს.
7.5-7.5 ქულით საპრიზო ადგილები გაიყვეს და დამატებითი მაჩვენებლებით შემდეგნაირად განაწილდნენ: 2. მერი არაბიძე (2413), 3. სოფიკო ხუხაშვილი (2277).
შეჯიბრზე დაწესებული იყო პრიზები სარეიტინგო კატეგორიებში საუკეთესო შედეგისთვის. 2000- მდე სარეიტინგო კატეგორიაში თამარ ესაძემ დააფიქსირა საუკეთესო შედეგი, ხოლო 1600-მდე - ნია დონღვანმა.
