„ბასკონიას“ და საქართველოს ნაკრების ფორვარდმა თორნიკე შენგელიამ ტრავმა მოიშუშა და ვარჯიში განაახლა, აღნიშნული ინფორმაცია თავად თორნიკეს ფეისბუქის ოფიციალურმა ვებგვერდმა გაავრცელა.

თოკომ იანვრის დასაწყისში ტრავმა მიიღო და მას შემდეგ აღარ უთამაშია. თუ როდის დაბრუნდება შენგელია პარკეტზე ჯერჯერობით უცნობია.

ევროლიგის მიმდინარე სეზონში შენგელია საშუალოდ ერთ შეხვედრაში 12.7 ქულას, 4.5 მოხსნას და 2 პასს აგროვებს.