საფრანგეთის ეროვნული ნაკრების და ლონდონის "ჩელსის" ფეხბურთელმა ოლივიე ჟირუმ მოლდოვასთან მოგებული ევროპის ჩემპიონატის შესარჩევი მატჩის შემდეგ განაცხადა, რომ სანაკრებო კარიერას ევრო 2020-ის შემდეგ დაასრულებს.
"საფრანგეთის ნაკრებში ევრო 2020-ი ჩემი ბოლო ტურნირი იქნება. ამის შემდეგ გზას ახალგაზრდებს დავუთმობ." - ციტირებს RTL France ჟირუს სიტყვებს.
მოლდოვასთან გამართულ დაპირისპირება "მამლებმა" 4:1 მოიგეს, გოლები კი ანტუან გრიზმანმა, რაფაელ ვარანმა, ოლივიე ჟირუმ და კილიან მბაპემ გაიტანეს. მსოფლიოს ჩემპიონი ჟირუ ეროვნულ ნაკრებში 2011 წლიდან თამაშობს და მას შემდეგ ჩატარებულ 87 მატჩში 33 გოლი გაიტანა.
