საქართველოს პირველმა ჩოგანმა ეკატერინე გორგოძემ ბრაზილიურ კურიტიბაში მიმდინარე 25-ათასიანი ტურნირი გამარჯვებით გახსნა.

ერთეულთა ბადეში მე-2 ნომრად განთესილმა გორგოძემ ესპანელი კლაუდია ჰოსტე ფერერი 6:2, 6:2 დაამარცხა და მერვედფინალში “უაილდ ქარდის” მქონე ბრაზილიელ კაროლინა მელიგენი როდრიგეს ალვეშთან ჭიდილი ელის.
წყვილთა ტურნირში გორგოძე და ჩილელი დანიელა სეგუელი “უაილდ ქარდის” მქონე ბრაზილეიელებს – იმავე ალვეშსა და გაბრიელა სეს გაეჯიბრებიან.