ლეგენდარულმა ჰოლანდიელმა მწვრთნელმა ლუის ვან გაალმა არცთუ დიდი ხნის წინ კარიერა დაასრულა. მისი განცხადებით, მოტივაცია აღარ აქვს და სურს დრო მთლიანად საკუთარ მეუღლეს დაუთმოს.

გარდა იმისა, რომ ვან გაალის გუნდებს არაერთი დიდი წარმატებისთვის მიუღწევიათ, იმითაც იყო გამორჩეული, რომ ტალანტების აღმოჩენის განსაკუთრებული ნიჭი ჰქონდა. მის ხელში არაერთ მომავალ ლეგენდას ჰქონია პროფესიონალურ ფეხბურთში დებიუტი.

სწორედ ასეთი სიმბოლური ნაკრები გამოაქვეყნა Transfermarkt-მა. ფეხბურთელები, რომლებსაც დებიუტი მაშინ ჰქონდათ, როდესაც კონკრეტულ გუნდს ლუის ვან გაალი ედგა სათავეში.

მეკარე: ვიქტორ ვალდესი („ბარსელონა“)

მცველები: კარლეს პუიოლი („ბარსელონა“), ჰოლგერ ბადშტუბერი („ბაიერნი“), დავიდ ალაბა („ბაიერნი)

ნახევარმცველები: ჯესი ლინგარდი („მანჩესტერი“), კლარენს ზეედორფი („აიაქსი“), ედგარ დავიდსი („აიაქსი“), ჩავი („ბარსელონა“), ანდრეს ინიესტა („ბარსელონა“)

თავდამსხმელები: მარკუს რაშფორდი („მანჩესტერი“), პატრიკ კლუივერტი („აიაქსი“).