გერმანიის ბუნდესლიგის 25-ე ტური "ვერდერის" და "შალკეს" მატჩის გაიხსნა და ბრემენელებმა 4:2 მოიგეს. ფლორიან კოფელდტის გუნდი ზედიზედ მერვე მატჩია ჩემპიონატში არ აგებს, ხოლო გელზეკირხენელები ზედიზედ მეოთხე მატჩში დამარცხდნენ და გავარდნის ერთ-ერთი კანდიდატები არიან. ასევე, "შალკემ" ზედიზედ მეოთხე მატჩში მინიმუმ სამი გოლი გაუშვა და ასეთი ცუდი სერია კლუბს 1963 წლიდან არ ჰქონია.

განვლილ შეხვედრაში სტუმრები ბრილ ემბოლოს გოლით დაწინაურდნენ, თუმცა მასპინძლებმა, კერძოდ მილოტ რაშიცამ (დუბლი) და მაქს კრუზემ გამოიჩინეს თავი და 73-ე წუთისთვის "ვერდერი" უკვე 3:1 იგებდა. "შალკეს" იმედი ემბოლომ 85-ე წუთზე გაუჩინა, თუმცა მატჩის ბოლო წუთზე მასიური შეტევის დროს ბრემენელები კონტრშეტევაზე გადავიდნენ და მარტინ ჰარნიკმა საბოლოო ანგარიში 4:2 დააფიქსირა.

"ვერდერი" ამ გამარჯვებით ევროტურნირების ზონას მიუახლოვდა. გუნდს 36 ქულა აქვს და ჯერჯერობით მერვე ადგილზე იმყოფება. კოფელდტის გუნდი მეხუთეადგილოსან "აინტრახტს" სამი ქულით ჩამორჩება. "შალკე" კი 23 ქულით მე-14 ადგილზეა და შესაძლებელია გასავარდნ ზონას კიდევ უფრო მიუახლოვდეს.

ვერდერი - შალკე 4:2 (1:1)

გოლები: 0:1 ემბოლო 1:1, რაშიცა (31), 2:1 კრუზე (51), 3:1რაშიცა (73), 3:2 ემბოლო (85), 4:2 ჰარნიკი