ფეხბურთი

17:45 | 3.03.2019 | ნანახია [] - ჯერ

კრისტალბეთ ეროვნული ლიგა 2: "თელავის" ფეერიული სტარტი

კრისტალბეთ ეროვნულ ლიგა 2-ში დღეს ორი მატჩი გაიმართა. თელავში, ადგილობრივმა გუნდმა ლანჩხუთის „გურიას“ უმასპინძლა, ხოლო „შევარდენმა“ – „ცხინვალს“.

„გივი ჩოხელზე“ „თელავმა“ ეროვნულ ლიგა 2-ში დაწინაურებული „გურია“ პრობლემების გარეშე დაამარცხა. მასპინძელთა უპირატესობა ძალზე დიდი იყო და უკვე მეათე წუთისთვის გადაწყდა მატჩის ბედი. დიმიტრი ტატანაშვილმა და ირაკლი რუხაძემ ორჯერ დაამწუხრეს გურულები, რასაც 25-ე წუთზე ირაკლი ბაჯელიძის გაძევებაც დაერთო.

ბუნებრივია, „გურიამ“ თამაშში გარდატეხა ვერ შეიტანა. მეტიც, მერე ტატანაშვილმა და რუხაძემ დუბლები მიითვალეს და 4:0. „თელავისთვის“ ახალი სეზონი ჩინებულად დაიწყო.

„შევარდენმა“ კი „ცხინვალს“ უმასპინძლა და ვერაფერი გააწყო. სტუმრები მეოთხე წუთზე ანდრეი ჩოლაკუს გოლით დაწინაურდნენ და მიუხედავად იმისა, რომ თელი თამაში წინ იყო, ანგარიში აღარ შეცვლილა.

აქვე შეგახსენებთ, რომ კრისტალბეთ ეროვნული ლიგის 2-სი გათამაშება გუშინ დაიწყო და „სამტრედიამ“ „ზუგდიდი“ 2:1 დაამარცხა. პირველი ტური ორშაბათს, „გაგრა“ – თბილისის „მერანისა“ და „კოლხეთი“ – „შუქურას“ შეხვედრებით დასრულდება.

„შევარდენი 1906“ – „ცხინვალი“ 0:1 (0:1)

გოლი: 0:1 ჩოლაკუ (4)

„თელავი“ – „გურია“ 4:0 (3:0)

გოლები: 1:0 ტატანაშვილი (4, პენ), 2:0 რუხაძე (10), 3:0 რიხაძე (45), 4:0 ტატანაშვილი (52)

Loading...
სტატისტიკა
0.261089