პრემიერლიგის 28-ე ტურის მატჩში, „მანჩესტერ იუნაიტედმა“ სტუმრად 3:1 დაამარცხა „კრისტალ პალასი.“ Opta-ს ცნობით, ეს მანკუნიანელთა ზედიზედ მერვე გასვლითი მოგებაა ყველა ტურნირში, რაც საკლუბო რეკორდია. ყველა ეს გამარჯვება გუნდმა ოლე გუნარ სოლსკიაერის ხელმძღვანელობით მოიპოვა. ნორვეგიელი სპეციალისტი „ოლდ ტრაფორდზე“ შარშანდელი დეკემბრიდან მუშაობს.

შეგახსენებთ, რომ 28 ტურის შემდეგ, „მანჩესტერი“ ინგლისის ჩემპიონატში, 55 ქულით მე-5 ადგილზეა.