იაპონიის სუმოს ასოციაციის მიერ გამოქვეყნებულმა რეიტინგმა (ბანძუკე) ქართველებისთვის სასიკეთო შედეგები მოიტანა: ორივე ჩვენებურმა წინსვლა განიცადა.

მისთვის სარეკორდო აღმოსავლეთის მე-2 ოძეკის წოდებას უწია ტოჩინოშინის შიკონათი ცნობილმა ლევან გორგაძემ, რომელმაც გასული ბაშო ტრავმის გამო ნაადრევად დაასრულა და ახლა, ტიტულის შესანარჩუნებლად მინიმალური დადებითი ბალანსი მაინც უნდა დააფიქსიროს.
კონკურენტების წაფორხილებით კარგად ისარგებლად თეიმურაზ ჯუღელმა იგივე გაგამარუმ, რომელმაც იანვრის სუპერტურნირზე 15-დან მხოლოდ 8 ორთაბრძოლა მოიგო, თუმცა, ერთბაშად 6 პოზიციით დაწინაურდა. ამგვარად, გაგამარუ რანგით მე-2 დივიზიონ ჯურიოში აღმოსავლეთის მე-8 ნომერი გახდა.
მას შემდეგ, რაც კარიერა დაასრულა იაპონელმა იოკოძუნა კისენოსატომ, დიდი ჩემპიონის რანგში მხოლოდ მონღოლები – ჰაკუჰო და კაკურიუ შემოგვრჩნენ, ოძეკები, ტოჩინოშინის გარდა, ტაკაიასუ და გოეიდო არიან, სეკივაკეებად ტაკაკეიშო და იანვრის ბაშოს ტრიუმფატორი ტამავაში მოგვევლინებიან, კომუსუბებად კი – მიტაკეუმი და ჰოკუტოფუჯი.
შეგახსენებთ, რომ საგაზაფხულო ტურნირს (ჰარუ ბაშო) 10-24 მარტს იაპონიის ქალაქი ოსაკა უმასპინძლებს.