ფეხბურთი

0:47 | 25.02.2019 | ნანახია [] - ჯერ

"დორტმუნდმა" ლიდერობა დაიბრუნა

გერმანიის ბუნდესლიგის სატურნირო ცხრილის სათავეში ორხელისუფლიანობა ერთი დღე გაგრძელდა. „დორტმუნდმა“ 23-ე ტურის შეხვედრა წარმატებით დაასრულა და უშუალო კონკურენტთან 3-ქულიანი უპირატესობა შეინარჩუნა.

ლუსიენ ფავრის გუნდს ბოლო დროს წარმატებული პერიოდი არ აქვს და ამიტომაც, ლევერკუზენის „ბაიერთან“ შეხვედრას კიდევ უფრო დიდი დატვირთვა ჰქონდა. თავის მხრივ, „ფარმაცევტები“ სამი დღის წინ ევროპა ლიგას დაემშვიდობნენ და რეაბილიტაცია მათაც სჭირდებოდათ.

შეხვედრა „დორტმუნდმა“ უკეთ დაიწყო და ზაგადუს ზუსტი დარტყმით დაწინაურდა კიდეც. კევინ ვოლანდმა 37-ე წუთზე გაათანაბრა, მაგრამ ეს ანგარიში ერთი წუთი შენარჩუნდა - იქვე ჯეიდონ სანჩომ კვლავ დააწინაურა „ბორუსია“. მეორე ტაიმში კი გუნდებმა გოლები გაცვალეს და „დორტმუნდმა“ მძიმედ, მაგრამ მაინც მოიგო. ამრიგად, ვაფრის გუნდს 54 ქულა დაუგროვდა და „ბაიერნთან“ უპირატესობა აღდადგინა.

დღის კიდევ ერთი შეხვედრა კი ჰანოვერში შედგა, სადაც ადგილობრივი გუნდი, რომელიც საშინელ ფორმაშია და ზოგადად, მთელი სეზონია ასეა, „აინტრახტს“ დაუპირისპირდა. ფრანკფურტელებმა მეორე ტაიმში გაილაღეს და ჩემპიონთა ლიგის ზონას მიუახლოვდნენ.

„ჰანოვერი“ – „აინტრახტი“ 0:3 (0:0)

გოლები: 0:1 რებიჩი (54), 0:2 იოვიჩი (63), 0:3 კოსტიჩი (90)

„დორტმუნდი“ – „ლევერკუზენი“ 3:2 (2:1)

გოლები: 1:0 ზაგადუ (30), 1:1 ვოლანდი (37), 2:1 სანჩო (38), 3:1 გიოტცე (60), 3:2 ტაჰი (75)

თეგებიბუნდესლიგა
სტატისტიკა
0.343887