იტალიის ჩემპიონი „იუვენტუსი“ სამი ხედირას გარეშე დარჩა. როგორც ტურინული გუნდის ვებგვერდი იტყობინება, გერმანელ ფეხბურთელს გულის არითმია დაუდგინდა და დღეს გამოკვლევაც წარმატებით ჩაუტარდა.
ხედირას მკურნალობის პროცესი დაახლოებით ერთ თვეს გასტანს და მისი მოედანზე დაბრუნებაც ამის შემდეგ იქნება შესაძლებელი.
შეგახსენებთ, რომ „იუვენტუსი“ დღეს ჩემპიონთა ლიგაზე „ატლეტიკოს“ ხვდება. ხედირა კი, გუნდს ესპანეთში არ გაჰყოლია.
