საქართველოს მოქმედმა ჩემპიონმა "საბურთალომ" თურქული შეკრება დაასრულა. გიორგი ჭიაბრიშვილის გუდის მეტოქე ყაზახური "კაისარი" გახლდათ და შეხვედრა ფრედ, 1:1 დასრულდა.
მატჩის პირველ ტაიმში გოლი არ გასულა, ხოლო მეორე ნახევრის დასაწყისში ანგარიში ყაზახებმა პენალტის მეშვეობით გახსნენს. თბილისელებმა 64-ე წუთზე, ვლადიმერ დვალიშვილის გოლით გაათანაბრეს და დარჩენილ დროში ანგარიში არ შეცვლილა.
აღნიშნულ მატჩში "საბურთალომ" ასეთი შემადგენლობით ითამაშა:
"საბურთალო" (პირველი ტაიმი): შელიხოვი, მალი, მარგველაშვილი, კაკუბავა, თევზაძე, ტერა, გვარაძე, გი, გონსალვესი, გოშთელიანი, დვალიშვილი
მეორე ტაიმში ითამაშეს: მიგინეიშვილი, ჯინჯოლავა, ცნობილაძე, ლაკვეხელიანი, ჩაბრაძე, გორგიაშვილი, ალთუნაშვილი, დიასამიძე, კოხრეიძე
"საბურთალო" მოზადებას თბილისში გააგრძელებს, ახალ სეზონს კი 24 თებერვალს, ქუთაისის "ტორპედოსთან" საქართველოს სუპერთასის მატჩით გახსნის.
