ქალთა შორის საქართველოს პირველი ჩოგანი ეკატერინე გორგოძე უნგრეთის დედაქალაქ ბუდაპეშტში იმყოფება და დღეიდან საერთაშორისო ტურნირში ჩაება, რომლის საპრიზო ფონდიც 250 ათასი დოლარია.

გორგოძე კვალიფიკაციაში მე-9 ნომრადაა განთესილი და პირველ წრეში “უაილდ ქარდის” მქონე მასპინძელ გრეტა არნს ეთამაშება. თუკი ეკომ მას აჯობა, გადამწყვეტი შერკინება ესპანელ პაულა ბადოსა გიბერტსა (მე-3 განთესვა) და უნგრელ ადრიენ ნაგის შორის უმჯობესთან ელის.