ფეხბურთი

3:15 | 16.02.2019 | ნანახია [] - ჯერ

"ბაიერნი" "დორტმუნდს" მიუახლოვდა (+VIDEO)

მიუნხენის „ბაიერნი“ ბუნდესლიგაში ჩემპიონობისთვის ბრძოლას აგრძელებს. „რეკორდმაისტერმა“ 22-ე ტური გამარჯვებით გახსნა და ლიდერ „დორტმუნდს“ ორ ქულამდე მიუახლოვდა. თუმცა, ისიცაა, რომ „ყვითლებს“ ამ ტურის შეხვედრა ჯერ კიდევ გასამართი აქვთ.

ნიკო კოვაჩის გუნდი „აუგსბურგს“ ეწვია და გვარიანი გარჯა მოუწია 3 ქულისთვის. მატჩი სულ რაღაც 15 წამის დაწყებული იყო მასპინძლები რომ დაწინაურდნენ. „აუგსბურგის“ სწრაფი შეტევა ლეონ გორეცკას ავტოგოლით დასრულდა. „ბაიერნი“ დიდხანს არ ყოფილა მდევრის როლში, კინგსლი კომანმა გაათანაბრა. თუმცა, ზისტად 7 წუთი შენარჩუნდა საყაიმო ანგარიში, „აუგსბურგი“ ამჯერად დონგ ვონის გოლით გავიდა წინ და ტაიმსაც მოიგებდა, მეტი ყურადღებით რომ ეთამაშა.

მსაჯმა პირველ ნახევარს სამი წუთი დაამატა და ბოლო დამატებული წუთი მიმდინარეობდა, კომანმა რომ დუბლი გაიფორმა. ფრანგი ამ შეხვედრაში „რეკორდმაისტერს“ გმირად მოევლინდა. სწორედ მისი საგოლე გადაცემით გაიტანა მეორე ტაიმის სტარტზე დავიდ ალაბამ მესამე და როგორც აღმოჩნდა გამარჯვების გოლი.

„ბაიერნმა“ 3:2 მძიმე ბრძოლაში მოიგო და „ლივერპულთან“ მატჩამდე ვერც დაისვენა და ვერც ძალები დაზოგა. თუმცა სამი ქულა მოიპოვა და თანაც, კაპიტანი მანუელ ნოიერიც დაუბრუნდა ტრავმის მერე, რაც მიუნხენელთათვის უდაოდ პოზიტიური ინფორმაციაა.

„აუგსბურგი“ – „ბაიერნი“ 2:3 (2:2) VIDEO

გოლები: 1:0 გორეცკა (1, ა.გ), 1:1 კომანი (17), 2:1 ვონი (23), 2:2 კომანი (45), 2:3 ალაბა (53)

თეგებიბუნდესლიგა
Loading...
სტატისტიკა
0.257261