დედაქალაქურმა “საბურთალომ” შეკრებაზე კიდევ ერთი ამხანაგური შეხვედრა გამართა. გიორგი ჭიაბრიშვილის გუნდი რუსეთის პრემიერლიგის “ახმატს” გაეჯიბრა და 1:2 დამარცხდა. პირველი ნახევარი გროზნოს კლუბის გამარჯვებით დასრულდა – გატანილი გოლით თავი ბრაზილიელმა ფორვარდმა სილვამ გამოიჩინა.

მეორე ტაიმში აბლაინ მბენგმა ორამდე გაზარდა სხვაობა, 62-ე წუთზე კი ლევან კაკუბავამ მინიმუმამდე შეამცირა ანგარიში. საბოლოოდ, შეხვედრა ამავე შედეგით დასრულდა.

საბურთალოელები თურქულ შეკრებას 18 თებერვალს ყაზახეთის “კაისართან” მატჩით დაასრულებენ.

საბურთალო: მიგინეიშვილი, ჩაბრაძე, მარგველაშვილი, კაკუბავა, ლაკვეხელიანი, დიასამიძე, გი, გორგიაშვილი, ვაგნერი, კოხრეიძე, გოშთელიანი.

შეცვლაზე შევიდნენ: მალი, ალთუნაშვილი, ცნობილაძე, თევზაძე, გვარაძე, შინდაგორიძე, როლოვიჩი, დვალიშვილი.

დღესვე თურქულ შეკრებაზე მყოფმა “საბურთალო”-2-მა პირველი ამხანაგური მატჩი შვეიცარიის ქვედალიგელ “თალვილთან” გამართა და თემურ გაბუნიას გოლით მეტოქე 1:0 დაამარცხა. აღნიშნული გოლი გაბუნიასთვის პირველი გამოდგა “საბურთალოს” შემადგენლობაში.
მთავარმა მწვრთნელმა რევაზ გოცირიძემ შეკრებაზე მყოფ თითქმის ყველა ფეხბურთელს მისცა თავის გამოჩენის შესაძლებლობა. მორიგ საკონტროლო მატჩს თბილისელები 18 თებერვალს გამართავენ.
საბურთალო (პირველი ტაიმი): მეგრელიშვილი, ტაბატაძე, ბერიძე, ბერაია, ს. აბულაძე, ნონიკაშვილი, ნ. აბულაძე, კვეტენაძე, ფოჩხუა, გობრონიძე, გულიაშვილი.
საბურთალო (მეორე ტაიმი): მეგრელიშვილი (ლეჟავა 75), ჭანტურიშვილი, ფურცელაძე, ავლოხაშვილი, ხარაიშვილი, ტალახაძე, ჯინჯოლავა, ღლონტი, აფციაური, გაბუნია, გოჩოლეიშვილი.

"საბურთალოს" პრესსამსახური