„ლივერპულის“ ეგვიპტელმა ნახევარმცველმა, მოჰამედ სალაჰმა, შესაძლოა, კარიერა ტურინის „იუვენტუსში“ გააგრძელოს. გვამცნობს Sky News Arabia. პორტალის ინფორმაციით, ტრანსფერის ღირებულება დაახლოებით 200 მილიონი ევროა. ტურინელთა ლიდერ კრიშტიანუ რონალდუს ეს იდეა თურმე ძალიან მოსწონებია.

სავარაუდოდ, სალაჰი არგენტინელ პაულო დიბალას შეცვლის, რომელსაც ტურინელთა მწვრთნელ მასიმილიანო ალეგრისთან კონფლიქტი მოსვლია. თუ დიბალას შეძენა ვერ შეძლეს, ტურინელები მადრიდის „რეალის“ ფეხბურთელ მარკო ასენსიოზე გადაერთვებიან.

მიმდინარე სეზონში, სალაჰმა, ინგლისის ჩემპიონატში 17 ბურთი გაიტანა და „მანჩესტერ სიტის“ არგენტინელ შემტევთან, სერხიო აგუეროსთან ერთად, პრემიერლიგის მეგოლეთა დავას ლიდერობს.