ქართველი გოლიათი ლაშა ტალახაძე წლის საუკეთესო ძალოსნად ზედიზედ მეორედ აღიარეს. ძალოსნობის საერთაშორისო ფედერაციის ცნობით, ტალახაძემ გამოკითხვაში 17 800 ხმა მიიღო და კონკურენტებს საგრძნობი სხვაობით გაუსწრო.

ოლიმპიურმა, მსოფლიოსა და ევროპის ჩემპიონმა უკან ირანელი სოჰრან მორადი და ინდონეზიელი ეკო იული ირავანი ჩამოიტოვა. შეგახსენებთ, რომ ლაშა საუკეთესოდ 2018 წელსაც აღიარეს და მისი დაჯილდოვება თბილისში შედგა, მომავალი ცერემონიის ადგილი და დრო კი მოგვიანებით გამოცხადდება.
ტალახაძის მსგავსად, თავისი ლიდერი ჰყავს ქალთა ძალოსნობასაც, სადაც ასევე მიჯრით მეორედ საუკეთესოდ ესპანელი ლიდია ვალენტინი დაასახელეს. პირენეელმა 13 000 ხმა მიიღო და ტაივანელ კუო ჰსინ-ჩუნსა და რუს ტატიანა კაშირინას აჯობა.